Investim i huaj në Strugë

Të dielën (29.04.2018) kryetari i komunës së Strugës z. Ramiz Merko mori pjesë në instalimin e gurthemelit për ndërtimin e objektit me ftohës për prodhim, përpunim, prerje dhe paketim të mishit nga SHPKNJ “PODGORKA” me vlerë rreth 5.5 milionë Euro.

Në fjalimin përshëndetës, investitori Mevmet Xhemajloski shprehu mirënjohje të madhe për administratën e komunës së Strugës dhe kryetarin Ramiz Merko duke thënë se ata nuk kanë dhënë 100% mund por akoma më shumë, për ofrimin e mundësisë së ndërtimit të këtij objekti, I cili do të ofroj rreth 100 vende të reja pune.

I pranishëm ishte edhe kryetari i komunës së Strugës , i cili falenderoi investitorin për këtë investim në komunën e Strugës dhe theksoi se administrata komunale gjithmonë do të jap maksimumin me kapacitetin që ka për të ndihmuar investitorët e mundshëm.

Komunën e Strugës e vizitoi Presidenti i Republikës së Shqipërisë z. Ilir Meta.

Komunën e Strugës e vizitoi Presidenti i Republikës së Shqipërisë z. Ilir Meta.

Delegacioni i kryesuar nga Presidenti Meta sot vizitoi ambientet e komunës së Strugës për tu takuar me kryetarin e komunës së Strugës z. Ramis Merko.

Presidentin e pritën funksioner dhe udhëheqës të institucioneve lokale dhe qëndrore, deputeti i zonës, si dhe përfaqësues të partive të ndryshme politike. Në takimin e sotshëm ishte e ftuar edhe kryetarja e komunës së Haraçinës znj. Milikije Halimi.

Kryetari i komunës së Strugës z. Ramis Merko falenderoi  Presidentin Meta për këtë vizitë të premtuar që në kohën kur z. Merko ishte Ministër për investime të huaja. Para të pranishmive Merko elaboroi një pasqyrë të qytetit të Strugës, popullsisë, klimës turistike, traditave dhe të situatës politike në komunën e Strugës.

“Unë ndihem mirënjohës që sot po vizitoj komunën e Strugës me në krye z. Merko me të cilin njihemi prej kohësh, dhe është kënaqësi për mua pasi që Struga është një qytet i veçantë sepse Struga është një pikë integrimesh apo urë lidhëse për të gjithë shqiptarët kudo që janë. Jo vetëm kaq Struga posedon tradita të jashtëzakonshme patriotike, me një rol të fortë në historinë e mbarë kombit dhe me figura të shquara në pavarsinë e Shqipërisë” – u shpreh Meta.

Ndër tjerash presidenti Meta u shpreh optimist sa i përket hapjes së negociatave me BE, çështjes së emrit, si dhe situatës politike në Maqedoni. Ai poashtu theksoi se takimi i sotshëm nuk do të jetë i fundit dhe se bashkëpunimi me kryetarin e Komunës, Këshillin do të vazhdojë edhe në të ardhmen ashtu që Struga të jetë një qytet model për bashkëpunim rajonal jo vetëm me Shqipërinë por me të gjithë rajonin sepse i ka të gjitha resurset, kapacitetet, dhe se Struga është BRAND dhe këtë duhet ta shrytëzojmë për të mirën e Strugës dhe qytetarëve të saj.

Vazhdojnë puniment në shëtitore

Në vijim janë punimet për Rekonstruksion me ridedikim i pjesë të rrugës “Marshall Tito”, përkatësisht nga bashkimi (lidhja) me rr.”Proleterski Brigadi” deri te bashkimi (lidhja) me rr.”Cvetan Dimov”. Rekonstruktohet pjesë e rrugës “Marshall Tito” dhe ridedikohet nga korsi veturash në hapësirë për këmbësor – shëtitore.

Njoftim – Kujdes!

Njoftim – Kujdes!

Regjim i ri komunikacioni në rrugët e qytetit të Strugës.

Duke filluar prej datës 01.05.2018 e deri në datën 30.06.2018 do të filloj regjim i ri (i përkohshëm) i trafikut në rrugët e qytetit të Strugës, gjegjësisht komunikacioni do të vijoj në një drejtim  edhe atë në rrugët:

  1. rruga “Dimitar Vllahov” dhe atë nga bashkimi i rr.”15ti Korpus” me rr.”Gjuro Salaj” me bashkimin e rr.”Gjuro Salaj” me rr.”Brigada e Goditjes së Parë Maqedonase” dhe nga bashkimi i rr.”Brigada e Goditjes së Parë Maqedonase” me rr.”Pablo Neruda”.
  2. rruga “Brigada e Goditjes së Parë Maqedonase”dhe atë me bashkimin e rr.”Dimitar Vllahov” me rr. “Dimçe Kovaçeski” dhe bashkimin e rr.”Dimçe Kovaçeski” me rr. ‘Vllado Maleski”
  3. rruga “Jovo Stefanovski-Rile” dhe atë nga bashkimi i rr. “Marks Engels” me rr.”Zufer Musiq” dhe nga bashkimi i rr.”Zufer Musiq” me rr.”JNA”.
  4. pjesë e rrugës “Boro Haxhieski-Pute” dhe atë nga hyrja e hapësirës parking në NPP “Proakua” me bashkimin e rr.”27 Mars” dhe nga bashkimi i rr.“27 Mars” me rr.”Krste Jon”
  5. pjesë e rrugës “27 Mars” dhe atë nga bashkimi i rr.”Boro Haxhieski-Pute” me rr.”Krste Jon” dhe rr.”Vëllezërit Milladinov”
  6. rruga “Krste Jon” dhe atë me bashkimin e rr.”Boro Haxhieski-Pute” me rr.”Niko Nestor” dhe nga bashkimi i rr.”Niko Nestor” me rr.”27 Mars” dhe rr.”Vëllezërit Milladinov.

 

Ky vendim u miratua në seancën e fundit të Këshillit në datë 16.04.2018 dhe së fundmi mori miratimin edhe nga organet e tjera kompetente të SPB – Ohër.

Ftojmë qytetarët, që të respektojnë regjimin e ri të trafikut, të shfrytëzojnë korsitë njëkahëshe dhe të respektojnë shenjat e komunikacionit, në mënyrë që trafiku të vijojë pa probleme.
Për më qart ja dhe ilustrim me foto:

 

Zyra për Marrëdhënie me Publikun,

Komuna e Strugës

F T E S Ë

Komuna e Strugës në bashkëpunim me Global Consulting & Development Associates LLC – Republika e Kosovës, Ju fton të merrni pjesë në takimin midis bizneseve nga Struga dhe Kosova që do të mbahet në datë 26 Prill 2018 ( E enjte), në ora 10:30 në Hotel “MIRAGE” – Strugë.

Ju faleminderit.

Me respekt,

Komuna e Strugës dhe

Global Consulting & Development Associates LLC

Komunikatë për media

Komuna e Strugës njofton qytetarët e Strugës në lidhje me ngjarjen e ditës së sotme se akuzat e Aleances te Shqipetarve jane te pabaza.

Komuna e Struges para 15 viteve ka realizuar marrëveshje me Partin Demokratike Shqiptare (PDSH) për shfrytëzimin e ambienteve apo zyrave të komunës nga ana e PDSH-së.

Kryetari i komunës së Strugës, bashkë me përfaqësues të PDSH-së, kanë realizuar marrëveshje të re për rikthimin e hapësirave të njëjta po në shfrytëzim të administratës komunale, meqënëse të njëjtat janë pjese e komunes.

Shtojce

Njoftim

Komuna e Strugës njofton të gjithë qytetarët se nga dita e nesërme 23.04.2018 (E hënë), do të nisin punimet për shëtitoren e re.
Për shkak të efikasitetit dhe të shmangies të cfardolloj pengese në zhvillimin e komunikacionit. Ju lusim që të shmangni lëvizjen e automjeteve në këtë zonë për mosbllokimin e trafikut. Makinat e parkuara të largohen nga zona e parkimit për të shmangur dëmet eventuale të automjeteve.
Kjo do të zgjas deri në përfundim të punimeve për shëtitoren e re.
Ju lusim për mirëkuptim dhe bashkëpunim.

Sinqerisht,
Zyra për marrëdhënie me publikun,
Komuna e Strugës

Vazhdojnë angazhimet për thithjen e investimeve të huaja në Strugë

Kryetari i Komunës së Strugës në cilësin e ish ministrit për Investime të Huaja z. Ramiz Merko, bashkë me kabinetin ministror, të cilët në mungesë të postit të ministrit për Investime të huaja, kanë vazhduar me angazhime të projekteve për thithjen e investimeve në vend.
Sot kabineti i ish ministrit është takuar për të finalizuar një ndër investimet kryesore shqiptare në komunën e Strugës, flitet për Investim kapital në Zonën Zhvillimore Teknologjike Industriale të Strugës.
Kompania Eurodent në krye me investitorin shqiptar nga Veleshta e Strugës z. Muamer Reçi i cili ka qenë i angarzhuar një kohë të gjatë si shkenctar kërkimor në SHBA në kompanin më të suksesshme në tregun botëror, Colgate – Palmolive.
Siç informojnë nga kabineti ministror, ndërtimi i fabrikës do të fillojë në tremujorin e dytë të këtij viti në rajonin e Strugës, gjegjësisht Zonën Zhvillimore Teknologjike Industriale në rajonin e Strugës. Në tremujorin e parë të këtij viti, është finalizuar plan programi dhe procedurat juridike, ku ky investim do të kapë një vlerë 4 deri 5 milion euro, dhe parashihet të hapen 75 deri 150 vende të reja të punës në të cilën 95 % të punësimeve do të jenë femra. Fabrika do të jetë një qendër e prodhimit dhe e shitjes së produkteve higjienike personale (pastë dhëmbësh, shampo, sapun i lëngshëm) e licencuar nga brendi Colgate-Palmolive dhe kozmetikës, ku do të posedoj laborator modern dhe të avancuar në kërkim të zhvillimit të produkteve kozmetike.
Ky investim është i iniciuar nga Kryetari i Komunës së Strugës z. Ramiz Merko në kohën e postit ministror për Investimeve të Huaja në bashkëpunim me zv. Drejtorin e Drejtorisë së Zonave Tekonologjike Zhvillimore Industriale z. Asip Useini.

NJOFTIM PËR KORRIGJIM TË DATËS SË HAPJES SË OFERTAVE

PROJEKTI PËR PËRMISIMIN E SHËRBIMEVE KOMUNALE – MSIP
 GRANTE INVESTIMESH TË IPA-s
MSIP-IPA-NCB-078-18

 

NJOFTIM PËR KORRIGJIM TË DATËS SË HAPJES SË OFERTAVE

Në lidhje realizimin e furnizimit publik për Kontratën për Ndërtim të rrjetit të kanalizimit në Komunën e Strugës – Nëdrtimi i rrjetit të kanalizimit në fshatin Frëngovë, i cili do të realizohet me mjetetet Komisioni Evropian në kuadër të IPA fondit për investime rurale të Komisionit Evropian për rikonstruksion dhe zhvillim për Projektin për përmisimin e shërbimeve komunale (MSIP), Komuna e Strugës i njofton ofertuesit e interesuar se ofertat duhet të dorëzohen në adresë të Komunës së Strugës deri në ora 12:00, në datë 23.04.2018. Dorëzimi elektronik i ofertave nuk lejohet. Ofertat e vonuara do të refuzohen. Ofertat do të hapen fizikisht në prani të ofertuesve, që do të zgjedhin të jenë prezent personalisht në ora 12:00, datë 23.04.2018.

 

Me respekt,

KOMUNA E STRUGËS

Kryetar i komunës,

Dr. Ramis Merko

Njoftim

Të nderuar,

Ju njoftojmë se në territorin e komunës së Strugës, bëhet uzurpim i vazhdueshëm i sipërfaqeve publike, ndërtimi I objekteve paleje, vendosja e garazheve, barakave e të ngjajshme në sipërfaqe të gjelbërta, trotuare, në oborret e ndërtesave pa miratimin e organeve kompetente.

Njoftohen të gjithë banorët e ndërtimeve të tilla pa leje, gjegjësisht uzurpimin e pronës publike me vendosjen e objekteve si garazhe, barake dhe sende të tjera të luajtshme e të pa luajtshme, vullnetarisht ti paraqesin dhe të bëjnë kërkesë në organet kompetente të komunës së Strugës.

Komuna e Strugës, kërkon edhe më tej bashkëpunimin e qytetarëve të saj për paraqitjen e të gjithë rasteve të tilla dhe ndërgjegjësimin e tyre.

Të gjitha rastet e tilla mund ti paraqisni në info@struga.gov.mk si dhe në numrin e telefonit 046/781-223.