Aktvendim për konvokimin e mbledhjes së 10 (dhjetë)  të Këshillit të Komunës së Strugës

Në bazë të nenit 39, paragrafi 2 të Ligjit për vetëqeverisje lokale (“ G. Zyrtare e RM” nr. 5/02), Kryetari i këshillit të komunës së Strugës,  miratoi

A K T V E N D I M
Për konvokimin e mbledhjes së 10 (dhjetë)  të Këshillit të Komunës së Strugës

     E konvokoj mbledhjen e 10 (dhjetë) të Këshillit të komunës së Strugës, për datën 18.06.2018,   (E Hënë) me fillim në ora 10,oo, në sallën e madhe të Këshillit të komunës së Strugës:
Mbledhja do të punojë, sipas

R E N D I T   T Ë    D I T Ë S (more…)

Kryetari i komunës së Strugës, z. Ramis Merko uron klubin e hendbollit RK Struga

Kryetari i komunës së Strugës, z. Ramis Merko uron klubin e hendbollit RK Struga për kualifikimin në Super League. Me një fitore prej 32-24, RK Struga siguroi vendin në elitën e shoqërisë së hendbollit për sezonin e ardhshëm konkurues, i cili pas një ndërprerje prej 15 viteve kthehet në Super League. Me këtë rast kryetari Merko i uron ata për suksesin e arritur duke potencuar se komuna e Strugës ndihet e nderuar me suksesin e këtij klubi dhe shton se edhe në të ardhmen do të vazhdoj të përkrah jo vetëm këtë klub por edhe klubet e tjera me qëllim që ato të kenë suksese në disiplinat e ndryshme sportive. Zyra për marrëdhënie me publikun, Komuna e Strugës

Ministri Bekteshi takim me kryetarin e komunës z.Ramis Merko

Në kuadër të Forumit Energjetik të Maqedonisë 2018 të mbajtur në Strugë, sot në komunën e Strugës, kryetari i komunës z. Ramis Merko priti në takim zyrtar Ministrin e Ekonomisë z. Kreshnik Bekteshi.

Në takim u diskutua mbi gjendjen aktuale të komunës së Strugës si dhe mbi politikat e energjisë në vend.  Ai u shpreh se jemi në drejtim të krijimit të një kornize ligjore që do të sigurojë bazë për një të ardhme të sigurt energjetike si nacionale ashtu edhe rajonale, me shumë projekte të përbashkëta të mbështetur nga komunitetit ndërkombëtar.
Takime të tilla do të vzhdojnë edhe në të ardhmen.

Zyra për marrëdhënie me publikun,
Komuna e Strugës

Aktivitete sportive

Më 5 qershor në fushën e hendboollit te qytetit të Strugës, u zhvilluan aktivitetet sportive ku morrën pjesë 85 nxënës të klasave të tretа nga komitete të ndryshme etnike nga shkollat fillore “Ashim Agushi”,  “Kliment Ohridski”, “Josip Broz Tito” dhe “Vëllezërit Milladinov”.
Aktivitetet e organizuara në kuadër të USAID Projektit “Avancim i kohezionit shoqëror”. që kishin për qëllim zhvillimin e interaktivitetit në marrëdhënie mes fëmijëve dhe të rinjve, si dhe të ngrisë nivelin e edukimit ndërkulturor të fëmijëve nëpër kopshte dhe shkolla fillore.

Zyra për marrëdhënie me publikun,
Komuna e Strugës

Njoftim

Komuna e Strugës ju informon se kërkesat e parashtruara për objekte të ndërtuara  paleje të viteve 2015 dhe 2016 kanë afat për dorëzimin e elaboratëve gjeodezike deri më 30 qershor 2018.
Ju lutemi në afat sa më të shkurtër kohor të plotësoni dokumentacionin për legalizim me elaboratet përkatëse brenda këtyre ditëve, përndryshe në përputhje me Ligjin mbi objektet e ndërtuara pa leje, do të miratohet vendimi për refuzimin e kërkesës.

Për informacione më të detajuara:
Erkanda Bauta – Njësia për çështje juridike (zyra nr. 30)

Zyra për marrëdhënie me publikun,
Komuna e Strugës

NJOFTIM

Njoftohen të gjithë qytetarët e Komunës së Strugës se “Përmendorja çezmë e Çlirimtarëve të Strugës – Ura e Morovishtës”, në bazë të pëlqimit të marrë me nr. 03-24 nga data 31.05.2018 nga ana e OK e Lidhjes së luftëtrëve – Strugë, do të dislokohet në anën tjetër të rrugës, respektivisht përball lokacionit të tanishëm. Për dislokimin e të njëjtës është e nevojshme të intervenohet në themelin e përmendores sepse është me dimenzione dhe peshë të madhe. Përmendorja e njëjtë, e padëmtuar dhe me vlerat e njëjta historike do të vendoset në themel të betonit të armuar të ri, në afat prej një muaj.

Zyra për marrëdhënie me publikun,
Komuna e Strugës

Takim me Ambasadoren e Japonisë

Sot, kryetari i komunës së Strugës z.Ramis Merko priti Ambasadoren e Japonisë HE Keiko Haneda. Në takim u diskutua për situatën aktuale në komunën e Strugës dhe mundësitë e bashkëpunimit të mëtejshëm në sfera të ndryshme.
Në kuadër të vizitës së ambasadores, Shkëlqesia e saj Keiko Haneda vizitoi еdhe shkollën fillore “Shën Kliment Ohridski” në Drasllajce, ku ndoqi ceremoninë e përfundimit të projektit për renovimin e shkollës.
Shkolla fillore “Shën Kliment Ohridski” u rinovua me ndihmën e Programit të Granteve për Projektet e vogla të Japonisë –  GGP, me asistencë në shumën prej 63,676 euro. Me ndihmën e këtyre fondeve u zëvendësuan të gjitha dritaret dhe dyert e vjetra në shkollë dhe u ble një sistem mbrojtjeje nga zjarri.

Nisen punimet për rrethrrotullimin te Ura e Moroishtës

Nga sot 25.05.2018 filluan punimet për Rekonstruimin e udhëkryqit katërkrahësh aktual në kryqëzim me rrethrrotullim ndërmjet rrugës regjionale rr. P1201 (Strugë-Dibër) dhe rrugës regjionale rr. P2243 (lidhja me rrugën regjionale P1201- f. Drasllajcë) apo tek vendi i ashtuquajtur “URA E MOROISHTËS” në Komunën e Strugës.

Ky projekt finansohet nga Komuna e Strugës me vlerë rreth 7.7 milion denarë.  Кy investim do të lehtësohej komunikacionin dhe lidhjen e qytetit të Strugës me fshatrat për rreth saj si dhe evitimin e bllokimit të trafikut në këtë udhëkryq.

Zyra për marrëdhënie me publikun,
Komuna e Strugës

Kryetari i komunës së Strugës z. Ramis Merko uron maturantët

Të dashur maturantë,

Mbarimi i mësimeve në shkollën e mesem është një çast shumë i rëndësishëm për ju dhe të gjithë njerëzit. Është çast i kalimit nga faza e adoleshencës në fazën e pjekurisë, çdo shoqëri ka nevoj për rini të arsimuar të shëndoshë dhe përparimtare.
Uroj nga zemra që secili nga ju të marrë një vendim të drejtë për jetën e vet, familjen dhe shoqërinë. Gjithashtu uroj që secili nga ju nesër të vazhdojë rrugëtimin  e tij sepse kështu mund të garantohet ardhmeri e ndritur për veten dhe shoqërinë.

Në emer të komunës së Strugës ju uroj nga zemra ju priftë e mbara.

Dr. Ramis Merko