Lajme - Posts

Pas reagimeve të qytetarëve në lidhje me vendosjen e një objekti pa leje (kiosk) në hapësirë publike, Komuna e Strugës reagon menjëher dhe bën lirimin e hapësirës publike.
Hapësirat publike shëtitoret janë të qytetarëve. Falenderojmë qytetarët që paraqesin raste të tilla, dhe i inkurajojmë që të vazhdojnë edhe më tej ti paraqesin parregullsitë.

Zyra për marrëdhënie me publikun,
Komuna e Strugës

Sot në hapësirat e komunës së Strugës u mbajt mbledhja e 4 me rradhë e këshillit komunal për sigurinë e komunikacionit rrugor. Mbledhja vijoi sipas rendit ditor :
1) Realizimi i mjeteve propozuese për sinjalizim rrugor në qytetin e Strugës;
2) Regjimi dhe ndryshimet e regjimit në komunikacion në qytetin e Strugës me theks të veçant në projektin e komunikacionit, mendimi i SPB- Ohër nga viti 2018, në lidhje me nenin 348 të LSKRR;
3) Emërim të Këshillit komunal për sigurinë e komunikacionit rrugor;
Gjatë mbledhjes u diskutua rreth vendosjes së sinjalizimit vertikal në rrugët që ka nevojë dhe u diskutuа edhe rreth regjimit të ri rrugor. Aktvendimi për regjimin e ri rrugor u pranua si I ligjshëm dhe funksional nga aspekti i vijimit të komunikacionit, dhe si I tillë do të vazhdojë të zbatohet.
Ndihmës komandanti I njësisë për komunikacion pranë SP-Strugë, Velkovski deklaroi se komunikacioni deri më tani sa i përket rrugëve njëkahëshe , ka vijuar pa probleme.
Sa i përket pikes së tretë, anëtarët e KKSKRR me 7 vota pro zgjodhën për kryetar ndihmës komandantin Llambush Velkoski i cili do të udhëheq seancat e ardhshme.
KKSKRR do të vazhdojë me seancat në të ardhmen, gjithmon në shërbim të qytetarëve për të përmirsuar problematikat e qarkullimit rrugor.

Zyra për marrëdhënie me publikun,
Komuna e Strugës

Komuna e Strugës në bashkëpunim me NP Komunale mbrëmjen e djeshme realizuan pastrimin dhe larjen e sipërfaqes së Shëtitores (Korzo) nga pjesa tek tregu i gjelbër deri tek ura.
Kështu do të vijojë edhe më tej pastrami i parqeve, rrugëve dhe hapësirave publike të komunës së Strugës.

Zyra për marrëdhënie me publikun,
Komuna e Strugës

Në emrin tim personal dhe në emër të Komunës së Strugës shpreh urimet më të përzemërta për gjithë popullin amerikan, me rastin e 4 Korrikut, Ditës së Pavarësisë së Shteteve të Bashkuara të Amerikës.
Nënshkrimi i Deklaratës së Pavarësisë më 4 korrik 1776 përbën jo vetëm ngjarjen më të shënuar në historinë e kombit amerikan, por edhe një ndër stacionet më të rëndësishme të rrugëtimit të qytetërimit dhe vlerës më të lartë të shoqërisë njerëzore, lirisë, demokracisë dhe prosperitetit.
Nga Struga me respektin dhe nderimin më të lartë, Urime 4 korriku Amerikë.

Me respekt,
Dr. Ramis Merko
Kryetar i Komunës së Strugës

Sot në hapësirat e Komunës së Strugës kryetari Merko mirëpriti ambasadorin e Francës Kristijan Timonie.Në takim morrën pjesë edhe shefi i kabinetit z. Dashmir Nasufi, drejtor i NP “Proakva” Jeton Shaqiri , këshilltari Inaet Dani dhe përfaqësues të tjerë të administratës komunale.
Ambasadori Timonie foli mjaft për përshtypjen që i kishte lënë Struga dhe bukuritë e saj natyore, përgëzoi kryetarin për mikpritjen dhe punën e tij të deritanishme.
Mes tjerash në takim u diskutua shumë për shpekulimet e shumta nëpër media dhe portale për djegien e kallamit , uzurpimin e plazheve dhe ndërtimeve joligjore. Kryetari Merko edhe njëherë u shpreh se në Strugë nuk ka ndërtime joligjore në bregun e liqenit të Ohrit dhe se nuk do të ketë kurrë të tilla.
Ambasadori Timonie u shpreh se ishe i bindur në punën e kryetarit Merko dhe se shpresonte se do të bashkëpunonin në të ardhmen në sferën e turizmit dhe arsimit, meqënëse të dy palet kishin interese të përbashkëta.
Sa i përket fushës së arsimit ambasadori tha se veçse bashkëpunonin me Komunën e Ohrit dhe Manastirit dhe tha se nuk guxonin të ishin të padrejtë ndaj Strugës sa u përket bashkëpunimeve.
“Ju jeni kryetari më bindës që kam takuar deri më tani” tha Timonie duke e përgëzuar për punën që ka bërë dhe duke u shprehur se deklarata e shumëpërfolur nëpër media ishte thjesht një keqinterpretim dhe manipulim i fjalëve të ambasadorit.
“Ne jemi me Strugën “ vazhdoi ambasadori Timonie dhe se së shpejti do të vizitonte përsëri Strugën dhe kryetarin e Komunës së Strugës.

Zyra për marrëdhënie me publikun,
Komuna e Strugës

Pas kërkesave të shumta të banorëve të f.Llabunishtë, Kryetari i Komunës së Strugës krahas realizimit të projektit të shumëpritur, ndërtimit të sallës së re sportive, realizoi edhe një kërkesë të banorëve. Kryetari Merko ndërtoi mur mbrojtës tek salla sportive, me qëllim sigurinë e kalimtarëve, fëmijëve dhe banorëve të vendit.

Zyra për marrëdhënie me publikun,
Komuna e Strugës

bets10

Sot në hapësirat e Komunës së Strugës Kryetari Merko sëbashku me shefin e kabinetit dhe njëkohësisht udhëheqës në Departamentin për arsim z. Dashmir Nasufi, mirëpritën ministrin e arsimit dhe shkencës z. Arbër Ademi.
Gjatë takimit u diskutua rreth problematikave që has Komuna e Strugës në fushën e arsimit si dhe rreth disa projekteve të cilat Komuna ka për qëllim ti realizojë në të ardhmen.
Pas përfundimit të takimit, kryetari Merko sëbashku me ministrin Ademi ndoqën nga afër punimet e sallës së re sportive tek SHMK “Niko Nestor “ ku edhe u takuan me disa nga profesorët e kësaj shkolle të cilët patën mundësinë ti parashtronin pyetje dhe të diskutonin rredh disa çështjeve me ministrin.

Zyra për marrëdhënie me publikun,
Komuna e Strugës