Drejt përfundimit

Janë drejt përfundimit punimet për renovimin dhe rikonstruimin e sallës së sportit në SHFK “VËLLEZËRIT MILLADINOV”.

Sportistët 🤼‍♀️ e kësaj shkolle më në fund do të ushtrojnë në ambiente tërësishtë të renovuara dhe me standarte bashkëkohore.

 

🔜 ✅ Sëshpejti.

Ramis Merko një tjetër investim për përmirësimin e infrastrukturës rrugore

Këtë herë Komuna e Strugës ka nisur punimet për rekonstruimin dhe asfaltimin e aksit rrugor nga kthesa në fshatin Kalishtë në drejtim të Hotel Izgrev me gjatësi rreth 1 km ashtu që zhvillim i komunikacionit në këtë pjesë do të kryhet pa pengesa.

Në të njëjtën kohë po riparohen dhe asfaltohen pjesë të rrugëve të dëmtuara deri në hyrje të fshatit Radozhdë.

Për qytetin që duam vijojnë edhe më tej investime të tilla.

Sallë e re sportive

Nisin punimet për ndërtimin e sallës së re sportive në SHMK “NIKO NESTOR”

Së shpejti sallë të re sportive me kushte dhe standarte bashkëkohore…

Realizojmë …

Komuna e Strugës nënshkruan marrëveshje bashkëpunimi me Kolegjin Universitar Bedër

Sot në ambientet e komunës së Strugës përfaqësues të administratës komunale si dhe Drejtori i NP ”Proaqua” zhvilluan takim me Prof.Dr. Ferdinand Gjana – Rektor në Kolegjin universitar Bedër.

Takimi kishte për qëllim lidhjen e një marrëveshje bashkëpunimin në mes dy institucioneve në fushën e arsimit, shkëmbimin e përvojave të studentëve, realizimin e punës praktike si dhe bashkëpunime tjera ndërkufitare në kuadër të IPA fondeve.

“Në kuadër të Komunës së Strugës veprojnë dy shkolla të mesme publike dhe një private. Pikërisht, njëra nga shkollat publike e cila mban emrin e “Dr. Ibrahim Temo” është e themeluar nga Kryetari aktual i Komunës së Strugës”, theksoi Shaqiri.
z. Gjana prezantoi të gjitha programet të cilat i ofron Kolegji Universitar Bedër, llojet e ndryshme të bursave, si dhe bashkëpunimet e ndryshme me disa komuna nga Shqipëria dhe Kosova.

Komuna e Strugës është e hapur për cdo lloj bashkëpunimi, dhe është e gatshme për realizimin e projekteve të reja në të ardhmen.

KOMUNA E STRUGËS MERR PJESË NË PANAIRIN E TURIZMIT NË BARCELONË, SPANJË, 22-24 Mars 2019

Komuna e Strugës, nga data 22 deri më 24 Mars 2019, mori pjesë në Panairin Ndërkombëtar të Turizmit “B-TRAVEL”, në Barcelonë, Spanjë. Në këtë panair të turizmit, Komuna e Strugës mori pjesë si partner-lider në projektin “Promovo turizmin dhe kulturën – ToCulter”, në bashkëpunim me Komunën e Strumicës si bashkë-partner (dhe me disa komuna të Greqisë), nën projektin për bashkëpunim ndërkufitar CBC IPA 2, Pogrami Interreg midis Republikës së Maqedonisë së Veriut dhe Republikës së Greqisë 2014-2020.
Panairi u organizua në sheshin e njohur të “Plaça Espanya – Montjuïc”, nga organizatori Fira Barcelona, e cila për këtë qëllim kishte në dispozicion 111.000 m2 hapësirë të brendshme për ekspozim, për destinacionet e ndryshme turistike botërore. Këtë vit në këtë panair morën pjesë 218 ekspozues nga vende të ndryshme të botës, me 100 lloje të paketa turistike, në 5 kategori të mëdha. Rradhët e vizitorëve për të hyrë në panair ishin shumë të gjatë dhe numëroheshin në dhjetra mijëra në ditë.
Komuna e Strugës e shpalosi ofertën e saj turistike para vizitorëve spanjollë, në stendë të rezervuar prej 16 m2, në Pavilionin 8, stenda A 170, përmes broshurës turistike, e cila u shpërnda dhe u dhurua për vizitorët e ndryshëm, si dhe përmes ekranit 50 polësh televiziv, në të cilin përgjatë tre ditëve të mbajtjes së panairit, me video promotive, u paraqitën edhe bukuritë e Strugës (vlerat natyrore dhe kulturore-historike).

Delegacioni i komunës u udhëhoq nga Kryetari i Komunës së Strugës, Dr.Ramis Merko, bashkë me punonjësit administrativ të komunës nga Njësia për fonde evropiane dhe bashkëpunim ndërkombëtar dhe nga Njësia për turizëm dhe përgjatë gjithë kohës së mbajtjes së panairit u realizuan shumë biseda me karakter promocional dhe informativ, me qëllim prezantimin sa më të denjë të Strugës si destinacion turistik.

Patëm rastin dhe fatin e mirë që shumë vizitorë shprehën kurreshtje dhe interesim për ta vizituar Strugën, sepse për ta qyteti jonë ishte i panjohur deri në atë çast në hartën turistike, biseduam edhe me vizitorë, të cilët e kishin vizituar Strugën dhe kishin qëndruar në disa nga auto-kampet tona, por kishte edhe vizitorë që kishin qenë në afërsi të Strugës, por nuk kanë patur mundësi ta vizitojnë qytetin tonë.
Shprehim bindjen tonë se prezantimi i Strugës në këtë panair ishte mjaft pozitiv dhe ambicioz, tepër produktiv dhe shpresdhënës, sepse para vizitorëve e prezantuam karakterin dhe shpirtin tonë strugan. Vizitorët në këtë panair e kuptuan se Struga si territor ka natyrë të rrallë e të paprekur, një trashëgimi të paçmueshme historike, vlera kulturore materiale dhe shpirtërore që nuk gjenden në tjetër vend të botës (folklor origjinal, xhami dhe kisha, manifestime kulturore unike, kuzhinë tradicionale, bukë e kripë e zemër).

Komuna e Strugës në këtë panair fitoi një përvojë tepër të rëndësishme, sa i përket organizimeve dhe prezantimeve në panaire turistike me karakter ndërkombëtar, kurse në të ardhmen komuna planifikon që Struga të promovohet edhe në panaire të tjera turistike, si pjesë e strategjisë për promovim turistik.

Komuna e Strugës,
26.03.2019

http://www.b-travel.com/en/home

https://ecatalogue.firabarcelona.com/BTravel/exhibitor/19205/detail?lang=en_GB

https://www.firabarcelona.com/

Demant

Në lidhje me lajmin për ndërtime të egra, Komuna e Strugës,mohon se ka dhënë leje ndërtimi për ndërtim të tillë në objektin e quajtur Fati Trade, në periudhën që me komunën udhëheq kryetari Ramis Merko. Përkundrazi, bëhet fjalë për leje rekonstruimi e lejuar nga ana e ish kryetarit të Strugës, Zijadin Selës siç mund ta shikoni edhe në foto.

 

Kryetari i Komunës së Strugës është kundër çdo keqpërdorimi në plazhet e Strugës

Sa i përket çështjes së plazheve dhe “uzurpimit” të tyre, Komuna e Strugës demanton se ka lidhje me djegien e kallamit. Përkundrazi, ne si insituticion nuk i mbështesim këto akte dhe bëjmë gjithçka në fuqinë tonë që këto djegie të mos përsëriten.

Nga ana tjetër,rregullimi dhe pastrimi i plazhëve bëhet në interes të qyterarëve, për një mjedis më të pastër dhe më të përshtatshëm edhe për  turistët që e vizitojnë Strugën gjatë sezonit turistik. Pra, qëllimi i jonë si Komunë është që të zhvillojmë turizmin dhe të krijojmë mundësi pune për qytetarët tanë.

Gjithashtu mendojmë se shkaktar kryesor i këtij kaosi dhe disorganizimi është zgjidhja e statusit të koncesionerëve, andaj kërkojmë nga ana e Ministrit të Transportit dhe Lidhjeve  që të mos veprojë në mënyrë selektive dhe e ftojmë të ulemi  dhe të gjejmë një zgjidhje të përbashkët për të mirën e qytetit dhe qytetarëve të Strugës.

 

Zyra për marrëdhënie me publikun,
Komuna e Strugës

Aktvendim për konvokimin e mbledhjes së 21 (njëzetë е një) të Këshillit të Komunës së Strugës

Në bazë të nenit 39, paragrafi 2 të Ligjit për vetëqeverisje lokale (“ G. Zyrtare e RM” nr. 5/02), Kryetari i këshillit të komunës së Strugës, miratoi

A K T V E N D I M
Për konvokimin e mbledhjes së 21 (njëzetë е një) të Këshillit të Komunës së Strugës

E konvokoj mbledhjen e 21 (njëzetë e një) të Këshillit të komunës së Strugës, për datën 14.03.2019, (E enjte) me fillim në ora 10,oo, në sallën e madhe të Këshillit të komunës së Strugës:
Mbledhja do të punojë, sipas

R E N D I T   T Ë   D I T Ë S

– Procesverbal nga seanca e 20-të e Këshillit të komunës së Strugës

1. Llogaria vjetore e komunës së Strugës për vitin 2019,
2. Raport për punën e Komunës së Strugës, kuartali i IV/2018,
3. Raport për punën e NP “Komunallno” – Strugë, kuartali i IV/2018,
4. Akte për organizim dhe sistematizim të NP “Eko-Struga” – Strugë,
5. Raport për realizimin e Programit për ndërtim, mirëmbajtje dhe mbrojtje e rrugëve lokale të komunës së Strugës për vitin 2018,
6. Tarifor për përcaktimin e lartësisë së kompensimit për shfrytëzimin e objekteve për sport në territorin e komunës së Strugës
7. Plan vjetor për punësim të NP “Komunallno” – Strugë për vitin 2020.
8. Ndryshim i Planit vjetor për punësim në NP “Komunallno” – Strugë për vitin 2019.
9. Pyetje këshilltarësh

Materialet e mbledhjes së 21 

KËSHILLI I KOMUNËS SË STRUGËS
Kryetari këshillit,
Resul Kaba

Gëzuar 7 Marsin pishtar të diturisë!

Të dashur mësimdhënës, misionarë të dijes, udhërrefyes të jetës dhe qytetërimit, më lejoni t’ju uroj festën e 7 Marsit, dhe t’ju përgëzoj nga zemra për punën e palodhshme që bëni çdo ditë, për të edukuar, arsimuar dhe për të nxjerrë në dritë një komb të tërë.

Mirënjohje për punën tuaj dhe arritjet e tuaja. Mirënjohje për fisnikërinë që rrezatoni dhe vlerat që përcillni.

Gëzuar 7 Marsin pishtar të diturisë!

Kryetari I Komunës së Strugës,
Dr. Ramis Merko

Takim me shefin e SP – Strugë

Me iniciativë të kryetarit të komunës së Strugës z. Ramis Merko, Shefi i kabinetit z. Dashmir Nasufi sot takoi shefin e Stacionit Policor të Strugës z. Valon Hani. Takimi kishte karakter informues rreth ngjarjeve të fundit që po zhvillohen në qytetin tonë që vërtet janë problematike dhe shqetësuese për të gjithë qytetarët.
Në takim u diskutua për çështjen e lypësve të organizuar, e cila ende nuk është zgjidhur. Nga ana e Komunës së Strugës u kërkua llogari se pse ende nuk ka rezultat në aksionet e ndërmarra më herët.
Organet policore po bëjnë punën dhe vëzhgimin e të gjithë terrenit se ku po veprojnë lypësit e organizuar për të arritur deri në tutorimet e tyre apo personat që po i keqpërdorin.  Është një situatë delikate pasi që në të shumtën e rasteve kemi të bëjmë me fëmijë prandaj dhe është e vështirë për të arritur aty ku duam ne. Ne po veprojmë gjatë gjithë kohës dhe sëshpejti para fillimit të sezonit turistik do të kemi rezultate konkrete, theksoi Hani.
Pos kësaj sa u përket  vjedhjeve të fundit në fshatrat Ladorishtë, Zagraçan, Shum, etj z. Hani theksoi se janë shtuar masat e patrullimit dhe atë në orët e vona të natës. Ndër tjera ai potencoi se mungon bashkëpunimi i qytetarëve me organet policore në drejtim të dhënies së informacionit në kohë reale. Do te inicohen ekipe civile patrullimi të cilat do të të patrulojnë dhe do të levizin jo vetëm në fshatrat konkret por në të gjithë territorin e Komunës së Strugës.

z.Nasufi theksoi se Komuna nuk ka kompetencë në marrjen e masave konkrete por se ne si institucion jemi në mbështetje të qytetarëve dhe po bëjmë aq sa kemi mundësi.

Ndër tjera vërejtje u adresuan edhe moszbatimi i ligjit të gjuhëve në Stacionin Policor të Strugës, ku rast I fundit ishte raporti gjashtëmujor i gjendjes së kriminalitetit në Komunën e Strugës.   Valon Hani tha se kjo vjen si pasojë e mungesës të kuadrit përkthyes në SP.

APEL deri tek të gjithë qytetarët e Komunës së Strugës: Për çdo lëvizje të dyshimtë të personave të panjohur apo lëvizje të makinave të dyshimta lajmërohuni në 192 ose në numrat fiks të SP Strugë.

 

Zyra për marrëdhënie me publikun,
Komuna e Strugës