
Менди Ќура – Градоначалник на Општина Струга
Менди Ќура е роден на 19 февруари 1960 година во селото Биџево, Општина Струга. Тој е стопанственик и општествен деец со долгогодишно искуство во менаџментот, економијата и локалниот развој.
Од ноември 2025 и градоначалник на Општина Струга.
Во 1985 година дипломирал на Универзитетот во Приштина, на насоката агрономија, а магистерските студии по економија ги завршил на Универзитетот во Загреб во 1991 година.
Од 1992 година е основач и извршен директор на компанијата „Trim & Lum“, преку која придонесува за економскиот развој и отворањето нови работни места. Во текот на својата професионална кариера има извршувано и значајни раководни функции во секторите на хотелиерството и осигурувањето, меѓу кои и како директор на Хотел „Изгрев“ – Струга и на компанијата „Signa Insurance“.
Во 2015 година го основа фудбалскиот клуб Ф.К. „Струга“, каде што ја извршува функцијата претседател, давајќи значаен придонес во развојот на спортот и поддршката на младите.
Во периодот од 2022 до 2025 година ја извршуваше функцијата претседател на Стопанската комора на Северо-Западна Македонија, а претходно беше коосновач и член на Сеалбанскиот економски форум.
Во јули 2025 година, Менди Ќура го основа Хотел & СПА „Ëmbla“, како дел од инвестициите насочени кон развој на локалниот туризам.
На локалните избори во 2025 година, Менди Ќура се кандидираше како независен кандидат и од 2 ноември 2025 година ја извршува функцијата градоначалник на Општина Струга. Неговата нето плата, во износ од 122.045 денари, се користи за директна поддршка на граѓаните на кои им е потребно, вклучително и семејствата од ранливи социјални категории и децата со посебни потреби.
Покрај професионалниот и институционалниот ангажман, тој е препознатлив по својот филантропски и општествен придонес, преку поддршка на иницијативи во областа на спортот, образованието и социјалната заштита.
Менди Ќура е во брак и е татко на три деца.
