Sot, shefi i kabinetit z.Dashmir Nasufi dhe kryetari i Këshillit Komunal z.Resul Kaba pritën në takim në hapësirat e Komunës së Strugës, historianin dhe profesorin e historisë në Universitetin e Indijanës – Universiteti Purdue Fort Wayne njëkohësisht dhe këshilltar i Familjes Mbretërore Shqiptare, z.Bernd J.Fischer.
Takimi ishte miqësor dhe me karakter informativ, ku z.Fischer ndau shumë nga përvoja e tij si këshilltar i Familjes Mbretërore dhe si historian me interes të veçantë në periudhën e udhëheqjes së mbretit Zogu.
Pas vizitës në Komunë dhe Universitetit Ndërkombëtar të Strugës, z.Fishcer i kënaqur nga pritja premtoi se do të vizitonte Strugën përsëri në të ardhmen.
Zyra për marrëdhënie me publikun,
Komuna e Strugës
